CHEKA AINGIA ORODHA YA MABINGWA WA DUNIA

Bondia wa Tanzania, Francis Cheka ambaye alikuwa  bingwa wa IBF katika bara la Afrika uzito wa kati (Super Middleweight) ameingia kwenye orodha ya mabingwa wa dunia iliyotolewa na Shirikisho la Ngumi za Kulipwa la Afrika IBF.

Cheka ameingia katika rekodi hiyo baada ya kumtwanga bondia kutoka Marekani, Phil William na kutawazwa kuwa bingwa wa dunia anayetambuliwa na Shirikisho la Ngumi la Dunia (WBF).

Ushindi wa Cheka sio tu kwa Tanzania bali na kwa bara la Afrika na dunia yote kwa ujumla. Cheka ameungana na mabingwa wengine wa dunia wa uziro wa kati (Super Middleweight) wanaotambuliwa na vyama na mashirikisho kadhaa.

Orodha hiyo ya mabingwa na mataji yao kwenye mabano ni Carl Froch wa Uingereza (IBF), Andre Ward wa Marekani (WBC), Andre Ward wa Marekani (WBA), Robert Stieglitz wa Ujerumani (WBO) na  Thomas Oosthuizen wa Afrika ya Kusini (IBO).

Ushindi wa Cheka umeifanya Afrika kuwa na mabondia wawiliu waliongia kwenye orodha hiyo kwani awali alikuwa Thomas Oosthuizen kutoka Afrika ya Kusini.