.png)
By 
11:17
BAADA ya kuongeza mkataba wa kuitumikia klabu ya
Madrid na kuwa mchezaji anayelipwa ghari kuliko wote katika Ligi Kuu ya
Hispania, mshambuliaji Cristiano Ronaldo ameonyesha thamani yake kwa klabu
hiyo.
Jana usiku Ronaldo aliiongoza timu yake kuibuka na
ushindi mnono wa mabao 6-1 dhidi ya Galatasaray ya Uturuki katika mchezo wa
Ligi ya Mabingwa Ulaya uliochezwa kwenye Uwanja wa Turk Telekom Arena.
Katika mchezo huo Ronaldo ameongeza rekodi nyingine
baada ya kufunga hat-trick katika mchezo huo na kuwa pekee wa Real Madrid
aliyefunga mabao matatu katika mchezo mmoja ndani ya michuano hiyo.
Kwa mabao hayo Ronaldo pia ameshika nafasi ya nne
kwa wachezaji waliofunga mabao mengi katika michuano hiyo baada ya kufikia
mabao 53, akiwa nyuma ya Ruud van Nistelrooy aliyefunga mabao 56, Lionel Messi mabao
59 wakati kinara ni Raul aliyefunga mabao 71.
0 comments