.png)
By 
11:40
JANA timu za England, Arsenal na Chelsea
zilifanikiwa kuibuka na ushindi dhidi ya timu za Ujerumani, Borussia Dortmund
na Schalke 04 katika Ligi ya Mabingwa ya Ulaya katika michezo ya hatua ya
makundi.
Bao pekee la Aaron Ramsey dakika ya 62, limeipa
Arsenal ushindi wa 1-0 ugenini dhidi ya wenyeji Dortmund nchini Ujerumani.
Hilo linakuwa bao la 13 kwa mchezaji huyo msimu huu
na bao la tano katika michuano ya Ulaya msimu huu. Pamoja na kufungwa, wenyeji
ndio waliocheza vyema usiku huu na kabla ya Arsenal kupata bao lake, hawakuweza
kutengeneza nafasi hata moja ya kufunga.
Borussia ambayo inapewa sifa ya moja ya timu bora
kabisa Ulaya kwa sasa, iliingia kwenye mechi hiyo ikiwa na kumbukumbu ya
ushindi wa 6-1 dhidi ya Stuttgart katika ligi ya kwao, Bundesliga, lakini
ilikalishwa na mtutu mmoja wa bunduki.
Nayo Chelsea ambao walikuwa nyumbani kwenye Uwanja
wa Stanford Bridge walifanikiwa kuibanjua Schalke kwa mabao 3-0 na kuongeza
matumaini ya kutinga hatua ya mtoano wa michuano hiyo.
Mabao mawili ya Samuel Eto'o dakika ya 31 na 54 na
Demba Ba dakika ya 83 yalitosha kuipa ushindi vijana hao wa Jose Mourinho.
Katika mechi nyingine, Barcelona imeifunga AC Milan
mabao 3-1 Uwanja wa Camp Nou, Lionel Messi akifunga mawili dakika ya 30 na 83,
wakati lingine limefungwa na Busquets dakika ya 40, huku Pique akijifunga
dakika ya 45 kuwapatia wageni bao la kufutia machozi.
0 comments