ASHANTI KUJIULIZA KWA RHINO KESHO

TIMU ya Ashanti baada ya kuanza vibaya katika Ligi Kuu Tanzania Bara kesho inatarajia kujiuliza na Rhino Rangers katika mchezo pekee wa ligi hiyo utakaochezwa kwenye Uwanja wa Ali Hassan Mwinyi mjini Tabora.

Wakati Rhino Rangers ilitoka sare ya bao 1-1 katika mechi yake iliyopita jijini Tanga dhidi ya Mgambo Shooting Stars, Ashanti United inashuka uwanjani huku ikiwa na kumbukumbu mbaya ya kutandikwa mabao 3-0 na Kagera Sugar katika mechi iliyochezwa Uwanja wa Kaitaba mjini Bukoba.